தங்க நிகர் குணத்தோடு (Thaiyal Naayaki Paamaalai)

தையல் நாயகிப் பாமாலையில் இருந்து ஒரு பாடல். 

தங்க நிகர் குணத்தோடு தைரியமும் தருகின்ற
தமிழ்ச் செல்வி போற்றி போற்றி
தரணியில் புகழ் காண வரமளிக்கும் சுந்தரியாம்
தாமரைப் பூ மாது போற்றி
மங்கையர்க்கு மாலைகளும் மன்னவர்க்கு வேலைகளும்
மகிழ்ந்தளிக்கும் அரசி போற்றி
மாதரசி உண்ணாமுலை அழகு சிவகாமி
மங்கை மீனாக்ஷி போற்றி போற்றி
பொங்கிவரும் துயரத்தைப் பொடிப்பொடியாக்க வரும்
அன்னபூரணி கல்யாணி போற்றி
யோகமுடன் வாழ்வு தரும் பூங்கொடியாம் விசாலாக்ஷி
புனித உமா தேவி போற்றி
மங்களங்கள் அத்தனையும் எங்களது வீடு வர
மாதரசி கூட்டி வருவாய்
வைத்தீஸ்வரன் கோயில் வளர் தையல் நாயகியே
வளம் காண வைக்கும் உமையே

சிவம் சுபம்