ஷீரடி பாபா நின் சீரடி (sindhu Bhairavi)

உ

சிந்து பைரவி

ஷீரடி பாபா நின் சீரடி சரணம் திருவருள் புரிவாயே
ஓரடி வைத்தே உன்னை நினைந்தால் ...ஓடோடி வந்தென்னை அணைப்பாயே

குருவாரம் உந்தன் கோயில் வலம்  வருவேன்
குணமது அருள்வாயே - நல்ல குணமது அருள்வாயே
பளிங்கு வண்ண மேனியனே நீ
களங்கமிலா மனம் அருள்வாயே

சத்திய சுந்தர சிவ ரூபா
சாந்தி தருவாயே - மன சாந்தி தருவாயே
அநித்திய வாழ்வில் நித்தியம் நீயே
அடைக்கலம் தருவாயே

நாளும் உந்தன் உதி நான் அணிவேன்
நல்லருள் பொழிவாயே - ஸ்வாமி  நல்லருள் பொழிவாயே
கோரின வரமெல்லாம் தந்திடும் தேவா
கோடி கோடி நமஸ்காரம் சுவாமி