Sivarathri Pradosha Songs Series - 1 to 6

Song 6-1
Song 6-2
Song 5-1
Song 5-2
Song 4
Song 3
Song 2
Song 1
Song 0


உ

சிவராத்ரி/ப்ரதோஷ கூட்டு ப்ர்ர்த்தனை 6

வள்ளல் பெருமானின் "நடேசர் கும்மி"

காமம் அகற்றிய தூயனடி - சிவ காம சவுந்தரி நேயனடி
மா மறை ஒது செவ்வாயானடி - மணிமன்றமெனும் ஞானாகாயனடி

ஆனந்த் தாண்டவ ராஜனடி - நம்மை ஆட்கொண்டருளிய தேஜனடி
கல்லைக் கனிவிக்கும் சுத்தனடி - முடி கங்கைக் கருளிய கர்த்தனடி

தில்லைச் சிதம்பர கூத்தனடி - தேவ சிங்கமடி உயர் தங்க மடி
பெண்ணொரு பால்வைத்த மத்தனடி - சிறு பிள்ளைக் கறி கொண்ட பித்தனடி

அம்பலத் தாடல் செய் ஐயனடி - அன்பர் அன்புக் கெளிதரும் மெய்யனடி
தும்பை முடிக்கனி தூயனடி - சுயஞ் ஜோதியடி பரஞ்சோதியடி

சிவம் சுபம்

உ

சிவராத்ரி - கூட்டுப்ரார்த்தனை - 5
திருவாசகம் - மணிவாசகப் பெருமான்

கடவுளே போற்றி! என்னைக் கண்டுகொண்டு, அருளு, போற்றி!
விட, உளே உருக்கி என்னை ஆண்டிட வேண்டும், போற்றி!
உடல் இது களைந்திட்டு, ஒல்லை உம்பர் தந்து அருளு, போற்றி!
சடையுளே கங்கை வைத்த சங்கரா, போற்றி! போற்றி!

பாட வேண்டும் நான் போற்றி நின்னையே
பாடி நைந்து நைந்து உருகி நெக்கு நெக்கு
ஆட வேண்டும் நான் போற்றி அம்பலத்து
ஆடும் நின் கழல் போது நாயினேன்
கூட வேண்டும் நான் போற்றி இப்புழுக்
கூடு நீக்கு எனைப் போற்றி பொய் எலாம்
வீட வேண்டும் நான் போற்றி வீடு தந்து
அருளு போற்றி நின் மெய்யர் மெய்யனே !

சிவம் சுபம்.

உ

சிவராத்ரி/ப்ரதோஷ கூட்டு ப்ரார்த்தனை

தேவாரம் - சுந்தரமூர்த்தி நாயனார்....

பத்தராய் பணிவார்கள் எல்லார்க்கும் அடியேன்
பரமனையே பாடுவார் அடியார்க்கும் அடியேன்
சித்தத்தைச் சிவன் பாலே வைத்தார்க்கும் அடியேன் -  திருவாரூர்ப் பிறந்தார்கள் எல்லார்க்கும் அடியேன் -
முப்போதுந் திருமேனி தீண்டுவார்க் கடியேன் -
முழுநீறு பூசிய முனிவர்க்கும் அடியேன் -
அப்பாலும் அடிச்சார்ந்தார் அடியார்க்கும் அடியேன் -
ஆரூரன் ஆரூரில் அம்மானுக் காளே…

சிவம் சுபம்

உ

சிவராத்திரி/ப்ரதோஷ கூட்டுப் ப்ரார்த்தனை - 3

தேவாரம் - திருநாவுக்கரசர் பெருமான்

தலையே நீ வணங்காய் - தலை மாலை தலைக்கணிந்து
தலையாலே பலி தேரும் தலைவனைத் தலையே நீ  வணங்காய்

கண் காள்  காண்மின்களோ - கடல் நஞ்சுண்ட கண்டன் தன்னை
என் தோள்  வீசி நின்றாடும் பிரான் தன்னைக் கண்  காள்  காண்மின்களோ

செவிகாள் கேண்மின்களோ - சிவம் எம் இறை செம்பவள
எரிப் போல்  மேனிப் பிரான் திறம் எப்போதுஞ் செவிகாள் கேண்மின்களோ

நெஞ்சே நீ நினையாய் - நிமிர் புன்சடை நின்மலனை
மஞ்சாடும் மலை மங்கை மணாளனை நெஞ்சே நீ நினையாய்

கைகாள்  கூப்பித் தொழீர், கடி மா மலர் தூவி நின்று
பைவாய்ப் பாம்பரை யார்த்த  பரமனைக் கைகாள் கூப்பித் தொழீர்

ஆக்கையாற்  பயனென் - அரன்  கோயில் வலம்  வந்து
பூக்கையால் அட்டிப் போற்றி யென்னாத இவ் யாக்கையாற்  பயனென்

உற்றார் யாருளரோ - உயிர் கொண்டு போம் பொழுது குற்றாலத்
துறை கூத்தன் அல்லால் நமக்கு உற்றார் யாருளரோ

தேடிக் கண்டு கொண்டேன் - திரு மாலொடு நான்முகனும்
தேடித் தேடொணாத் தேவனை என்னுள்ளே தேடிக் கொண்டு கொண்டேன்.

சிவம் சுபம்.

உ
சிவராத்ரி/ப்ரதோஷ கூட்டு ப்ராரத்தனை - 2

தேவாரம் - சம்பந்தப் பெருமான் -

மறையுடையாய் தோலுடையாய் வார்சடை மேல்வளரும்
பிறையுடையாய் பிஞ்ஞகனே யென்றுனைப் பேசினல்லால்
குறையுடையார் குற்றமோராய் கொள்கையி னாலுயர்ந்த
நிறையுடையார் இடர்களையாய் நெடுங்கள மேயவனே.

விருத்தனாகிப் பாலனாகி வேதமோர் நான்குணர்ந்து
கருத்தனாகிக் கங்கையாளைக் கமழ்சடை மேற்கரந்தாய்
அருத்தனாய ஆதிதேவன் அடியிணை யேபரவும்
நிருத்தர்கீதர் இடர்களையாய் நெடுங்கள மேயவனே

வேழவெண்கொம் பொசித்தமாலும் விளங்கிய நான்முகனுஞ்
சூழவெங்கும் தேட ஆங்கோர் சோதியு ளாகிநின்றாய்
கேழல்வெண்கொம் பணிந்தபெம்மான் கேடிலாப் பொன்னடியின்
நீழல்வாழ்வா ரிடர்களையாய் நெடுங்கள மேயவனே.

சிவம் சுபம்.

(ப்ரார்த்தனை தொடரும்)

உ

அரி தேடும் மலர் பாதன்.
அயன் காணா சிர முடியன். 

மரகத பவள மேனியன்,
ஆலமுண்ட கண்டன், அம்மை யப்பன்.

மான் மழு  சூலம் ஏந்தும் கையன், தான் அகன்றோர்க் கருளும் வலக்கையன்,  புலித் தோலணி இடையன், புனித கங்கை தாங்கும் சடையன்.

ஐந்து சபா நாதன்,
ஐம்பூதத் தலைவன்,  ஐந்தொழில் புரியும் ஈசன், ஐந்து முகம் கொண்ட இறைவன், ஐந்தெழுத்து நாம நமசிவாயன்.

சிவம் சுபம்

ஓம்

சிவராத்திரி/ப்ரதோஷ கூட்டு ப்ரார்த்தனை  -

1.   திருமந்திரம்   - திருமூலர் -

ஐந்து கரத்தனை ஆனை  முகத்தனை  - இந்தின்  இளம் பிறை போலும்  எயிற்றனை

நந்தி மகன்தனை ஞானக் கொழுந்தினை புந்தியில் வைத்தடி போற்றுகின்றேனே

அப்பனை நந்தியை ஆரா அமுதினை , ஒப்பிலி வள்ளலை ...ஊழி முதல்வனை
எப்பரிசாயினும்  ஏத்துமின் ஏத்தினால், அப்பரிசு ஈசன் அருள்  பெறலாமே

அரகர  என்ன அரியது ஒன்றில்லை  அரகர என்ன  அறிகிலர் மாந்தர்
அரகர  என்ன அமரரும் ஆவார் ..அரகர என்ன அறும்  பிறப்பன்றே

உள்ளம் பெரும் கோயில் ஊனுடம் பாலயம், வள்ளல் பிரானுக்கு வாய் கோபுர வாசல்

தெள்ளத் தெளிவார்க்கு சீவன் சிவலிங்கம், கள்ளப் புலனைந்தும் காளா மணிவிளக்கே

சிவாய நம என  சித்தம்  ஒருக்கி, அவாயம் அறவே அடிமையதாகிச்
சிவாய சிவ சிவ  என்றென்றே சிந்தை ...அவாயம் கெட நிற்க  ஆனந்தம் ஆமே

சிவம் சுபம்

(ப்ரார்த்தனை தொடரும்)