இராமனை நினைந்து வாழ்ந்திருப்போம் (Behaag)

உ
பெஹாக் 

இராமனை நினைந்து வாழ்ந்திருப்போம் 
ரக்ஷகன் அவன் கழல் பணிந்திருப்போம்

அன்னை தந்தையை மதித்து நடப்போம்
அருட்குரு சொல்லை சிரமேற் கொள்வோம்

தாரம் ஒன்றென்று வாழ்ந்திடுவோம்
உலகுயிர் அனைத்தையும் நேசிப்போம்
மாருதியைப் போலே பக்தி செய்வோம்
மரணத்தை வென்று நிலைத்திருப்போம்

இராமாயண சாரம் இதுதானே
இரகு குலத்தான் மனம் களிப்பானே
அன்னை சீதை அகம் நெகிழ்வாளே
அஞ்சனை செல்வன் நம்மை விட்டகலானே

சிவம் சுபம்