தென் மதுரை மீனாளே (Hamsanandi)

ஹம்ஸானந்தி

தென் மதுரை மீனாளே,
ஏழுலகை ஆள்பவளே,
என் மனதை அறியாயோ
ஏனிந்த தாமதமோ ?

உனையன்றி யாரம்மா
ஏழை முறை கேட்பவரே,
அவர் குறை தீர்ப்பவரே.

முப்பத்து முக்கோடி தேவர்களும் வணங்கித் தொழும்,
முக்கண்ணன் பாதியே,
முக்கூடல் தேவியே கயற்கண்ணால் பாரம்மா, கரம் கொடுத் தாளம்மா

தாய் நீ மனம் வைத்தால்
சேய் என் குலம் சிறக்கும்,
உனைப் பாடும் திறன் பெருகும்,
உன் பத மலரிணை நிழலும் நிலைக்கும், இந்த வரம் ஒன்றே போதும் அன்னையே, சுகித்திருப்பேன் நான் உன்னை எண்ணியே

சிவம் சுபம்