நெஞ்சே நினைத்துருகு நட மாடும் தெய்வமதை,

உ

நெஞ்சே நினைத்துருகு நட மாடும் தெய்வமதை,
செவியே கேட்டொழுகு அத் தெய்வத்தின் குரலதனை.

கண்ணே கண்டுருகு காம கோடீ சங்கரரை,
நாவே செபித்துருகு ஜெய ஜெய சங்கர என்றவரை.

நுதலே பூண்டொளிரு அய்யன் திரு நீற்றதனை,
மூக்கே நீ முகரு அய்யன்
பாத மலர் தனையே.

காலே வலம் வந்து பணி
அய்யன் அதிஷ்டானமதை,
வாயே குடித்துய்வாய்
அய்யன் தீர்த்த ப்ரசாதமதை.

கரமே குவித்து தொழு
சந்திர சேகர ஸரஸ்வதியை,
சிரமே சூடி ஒளிர் அவர்
திரு பாதுகைகள் தனையே

பரம சிவனாராம் நம்
பரமாச்சார் யரிடம்
சரணம் அடைந்திடுவோம்
மரணம் வென்று வாழ்வோம்

சிவம் சுபம்