அகிலத்தின் பசி தீர்க்கும் அம்மை & அன்னம் பாலிக்கும் அன்னையே!

உ


அகிலத்தின் பசி தீர்க்கும் அம்மை யப்பருக்கு ஐப்பசி முழு நிலவில் அன்னாபிஷேகம்

அன்னம் பாலிக்கும் தில்லை அம்பலருக்கு அறுசுவை காய் கனியோடு அபிஷேகம்

ஊர் மக்களுக்கெல்லாம்  படி யளக்கும் பாண்டியற்கு, உன்னத மீனாக்ஷி சுந்தரேஸ்வரருக்கு, உண்ணாமுலையாளின் அண்ணாமலை யார்க்கு, எந்நாளும் நமை காக்கும் (அன்ன) பூரணற்கு அபிஷேகம்

அய்யனின் ப்ரசாதம் அறியாமை இருள் நீக்கும். வயிற்றுப் பசி தீர்த்து ஞானப் பசி தூண்டும், வாதாதி ரோஹ நிவாரணம் செய்யும், வானோரைப் போல் வாழ்வாங்கு வாழ வைக்கும்.

சிவம் சுபம்.


அன்னம் பாலிக்கும் அன்னையே! எப்பொழுதும்
முழு நிறைவே,
சங்கரனின் உயிர் துணையே,  எமக்கு
பற்றற்ற மனமும் ஞானமும்  ஈய வேண்டும் தாயே,
பர்வதராஜன் மகளே,
பார்வதியே, என்னை ஈன்றவளே, என் அப்பனாம் மகேசனின்
அடியாரே எனக்கு உற்றார் (அம்மா), அவன் ஆளும்  மூவுலகோரும் சுகமாய் வாழ அருள்வாயே.

சிவம் சுபம்