ஐந்தும் எட்டும் ஒன்றென்று உணர்த்திடவே நீ அவதரித்தாய் (Ayyappa song)

உ

ஐந்தும் எட்டும் ஒன்றென்று 
உணர்த்திடவே நீ அவதரித்தாய்

ஐந்து மலைக்கு அதிபதியாய்
விளங்கும் தேவா ஐய்யப்பா

அண்ணனின் திருமண நாளினிலே
தோன்றிய பங்குனி உத்திரனே

மன்னன் அளித்த ராச்சியத்தை
மறுத்து தவக் கோலம் பூண்டவனே

மஹிஷி சம்ஹார மணிகண்டா
மஞ்சம்மை தொழுதிடும் நைஷ்டீகா

பதினெட்டுப் படிக்கு அதிபதியே
பந்தவிமோசன குண நிதியே

இருமுடி ஏற்று அருள்புரிவாய்.
உன்பதம்  என் முடி வைத்தருள்வாய்.

மனம் வாக்கு காயம் செம்மையாகி
உன்னுள் இணையும் வரம் அருள்வாய்

ஸ்வாமியே சரணம் அய்யப்பா
சரணம் சரணம் அய்யப்பா

சிவம் சுபம்